نواز شريف جي ڏيهه واپسي دوران سندس آجيان لاءِ ريليون ڪڍڻ تي شهباز شريف، حمزه شهباز، راڻا ثناءُ الله سميت ن ليگ جي ڪيترن ئي اڳواڻن ۽ ڪارڪنن تي 20 ڪيس داخل ڪيا ويا آهن

 نواز شريف جي ڏيهه واپسي دوران سندس آجيان لاءِ ريليون ڪڍڻ تي شهباز شريف، حمزه شهباز، راڻا ثناءُ الله سميت ن ليگ جي ڪيترن ئي اڳواڻن ۽ ڪارڪنن تي 20 ڪيس داخل ڪيا ويا آهن.

لاهور جي لاهور گيٽ، سمن آباد، سٽي، ڪينٽ، صدر، اقبال ٽائون سميت مختلف ٿاڻن تي سرڪار جي فرياد تي ن ليگ اڳواڻن ۽ ڪارڪنن تي ڪيس داخل ڪيا ويا.

مختلف ٿاڻن تي داخل ڪيسن ۾ ن ليگ جَي صدر  شهباز شريف، حمزه شهباز، جاويد هاشمي، عظميٰ بخاري، سائره افضل تارڙ، مريم اورنگزيب، ڪامران مائيڪل، ڪرنل مبشر، راجا ظفر الله، مشاهد حسين سيد، راڻا ثناءُ الله ۽ ٻين کي نامزد ڪيو ويو آهي.

پوليس موجب، ڪيسن ۾ دهشتگردي، پوليس اهلڪارن تي تشدد، عوامي ملڪيت کي نقصان پهچائڻ جا قلم شامل ڪيا ويا آهن.

پوليس ڪيسن ۾ ڄاڻايو آهي ته نواز ليگ اڳواڻن غير قانوني طور ريليون ڪڍي پوليس اهلڪارن کي تشدد جو نشانو بڻايو.

واضح رهي ته گذريل ڏينهن نواز شريف ۽ مريم نواز جي ڏيهه واپسي جي موقعي تي شهباز شريف جي اڳواڻي ۾ ن ليگ پاران ريليون ڪڍيون ويون هيون.

ريلين دوران ن ليگ  جي ڪارڪنن ۽ پوليس وچ ۾ چڪريون ٿيون، جنهن دوران پوليس عملدارن سميت ڪيترائي ليگي ڪارڪن زخمي به ٿيا هئا.

پوليس ۽ رينجرز منهن ماري ۽ نعريبازي ڪرڻ تي ن ليگ جي ڪيترن ئي ڪارڪنن کي گرفتار ڪيو هو……………….

پنهنجو رايو هتي ڏيو

Your e-mail address will not be published.
Required fields are marked*