اسلام آباد جي احتساب عدالت نوازشريف کي فليگ شپ ريفرنس ۾ بري ڪري ڇڏيو

اسلام آباد جي احتساب عدالت نوازشريف کي فليگ شپ ريفرنس ۾ بري ڪري ڇڏيو ۽ العزيزيه اسٽيل ملز ريفرنس ۾ 7 سال قيد ۽ ڏيڍ ارب رپيا ڏنڊ لاڳو ڪري ڇڏيو، حسن ۽ حسين نواز جا دائمي وارنٽ جاري ڪيا ويا، عدالتي فيصلي ۾ چيو ويو آهي ته العزيزيه اسٽيل ملز ريفرس جا پڪا ثبوت موجود آهن، نوازشريف مني ٽريل به جمع نه ڪرايو، فليگ شپ ريفرنس ڪيس نه پيو ٺهي، تنهنڪري نوازشريف کي بري ڪيو.

اسلام آباد جي احتساب عدالت نمبر 2 جي جج ارشد ملڪ طرفان اڳوڻي وزيراعظم نواز شريف خلاف العزيزيه اسٽيل ملز ۽ فليگ شپ ريفرنس جو محفوظ ڪيل فيصلو ٻڌايو ويو.

احتساب عدالت فيصلو ٻڌائيندي نواز شريف کي العزيزيه ريفرنس ۾ 7 سال قيد جي سزا ۽ ڏيڍ ارب رپيه ڏنڊ جي سزا ٻڌائي.

عدالت طرفان نواز شريف کي فليگ شپ ريفرنس ۾ بري ڪيو ويو.

عدالتي فيصلي ۾ چيو ويو ته نوازشريف العزيزيه اسٽيل ملز ريفرنس ۾ مني ٽريل جمع نه ڪرائي هئي.

عدالتي فيصلي ۾ چيو ويو ته العزيزيه اسٽيل ملز ريفرس جا پڪا ثبوت موجود آهن، جنهن سبب نوازشريف کي سزا ٻڌائي وئي.

عدالتي فيصلي موجب، فليگ شپ ريفرنس ڪيس نه پيو ٺهي، جنهن سبب نوازشريف کي بري ڪيو ويو.

عدالتي فيصلي کانپوءِ نيب اڳوڻي وزيراعظم نوازشريف کي عدالتي احاطي مان گرفتار ڪري ورتو.

عدالت نوازشريف جي پٽ حسن ۽ حسين نواز جا دائمي وارنٽ به جاري ڪيا.

نواز شريف خلاف فيصلي جي موقعي تي  مسلم ليگ ن جي سينئر اڳواڻن ۽ ڪارڪنن جو وڏو انگ به احتساب عدالت ٻاهران موجود هو …………..

پنهنجو رايو هتي ڏيو

Your e-mail address will not be published.
Required fields are marked*