جي يو آءِ جا پلان بي تحت ملڪگير ڌرڻا جاري آهن، سنڌ ۾ 5 هنڌن تي ڌرڻن هڻڻ سبب ٽريفڪ معطل ٿي وئي آهي

حب ويجهو حب رور روڊ تي راشد محمود سومرو جي اڳواڻي ۾ ڌرڻو ٻئي ڏينهن تي به جاري آهي

جيڪب آباد ۾ سنڌ -بلوچستان دنگ تي ڌرڻو هنيو ويو آهي، جڏهن ته  گهوٽڪي ۽ سکر ۾ قومي شاهراهه ۽  ڪنڌڪوٽ ۾ انڊس هاءِ وي تي لڳل ڌرڻا برسات سبب ختم ڪيا ويا آهن.

ڌرڻن ختم ڪرڻ جي اعلان بعد ڪارڪن گهرن ڏانهن واپس روانا ٿي ويا. ٻئي طرف پنجاب، بلوچستان ۽ ڪي پي ڪي جي مختلف شاهراهن تي به ڌرڻا جاري آهن

هوڏانهن  مولانا فضل الرحمان چئني صوبن ۾ لڳل ڌرڻن ۾ شرڪت  ڪرڻ جو اعلان ڪيو آهي

اعلان مطابق مولانا فضل الرحمان ٻن ڏينهن بعد سنڌ پهچي ڌرڻن ۾ شريڪ ٿيندو،جڏهن ته ٻئي مرحلي ۾ مولانا بلوچستان ۽ ڪي پي ڪي ۾ احتجاجي ڌرڻن ۾ شامل ٿيندو