ملڪ ۾ ڪرونا وائرس  جا هاڃا جاري آهن، وڌيڪ 40  شهري فوت ٿيڻ کانپوءِ انگ وڌي  5 هزار 426 ٿي ويو.

نيشنل ڪمانڊ اينڊ آپريشن سينٽر مطابق ڪرونا وائرس سبب سنڌ ۾ هڪ لک 8 هزار 913 شهري ڪرونا ۾ وٺجي ويا ۽ هينئر تائين  18 سئو 88

 شهري جان جي بازي هارائي ويا.

رپورٽس مطابق پنجاب ۾ 88 هزار 539  ڪرونا جا وائرس ظاهر ٿيا آهن،جڏهن ته فوتين جو تعداد  2هزار 51 ٿي ويو.

نيشنل ڪمانڊ اينڊ آپريشن سينٽر جي رپورٽ مطابق خيبرپختونخواهه ۾ 31 هزار 217 شهري متاثر ٿيا آهن ۽ فوتين جو تعداد  هڪ هزار 120 ٿي

ويو آهي.

اين سي او سي  مطابق بلوچستان ۾ 11هزار 323 شهري ڪرونا ۾ وٺجي ويا ۽  127  شهري حياتيون وڃائي ويٺا آهن.

وفاقي گادي واري شهر اسلام آباد ۾ 156، آزاد ڪشمير ۾ 48 ۽ گلگت ۾ 38  شهري جان جي بازي هارائي ويا آهن.

دنيا ۾ ڪرونا وائرس  سبب فوتين جو انگ وڌي ڪري 5 لک 86 هزار 821 ٿي ويو.

عالمي رپورٽس مطابق دنيا ۾ متاثرن جو انگ وڌي ڪري هڪ ڪروڙ 36 لک 91 هزار 665 ٿي ويو،جڏهن ته 80 لک 37 هزار 214 مريض

صحتياب ٿي ويا آهن.

آمريڪا ۾ هڪ لک 40 هزار 140،برازيل ۾ 75 هزار 523 ۽ ڀارت ۾ 24 هزار 929 شهري حياتيون وڃائي ويٺا.

رپورٽس مطابق روس ۾ 11 هزار 770 ،پيرو ۾ فوتين جو انگ 12 هزار ،چلي ۾ 7 هزار 86،ميڪسيڪو ۾ 36 هزار 906 ۽ ڏکڻ آفريقا ۾ 4 هزار 453 فوت ٿي ويا.

انگن اکرن مطابق  اسپين ۾ فوتين جو تعداد 28 هزار 413،برطانيا ۾ 45 هزار ،ايران ۾ 13 هزار 410،اٽلي ۾ 34 هزار 997،۽ فرانس ۾ 30 هزار 120 ٿي ويو.