وزير اعظم عمران خان  تشدد جي خاتمي لاءِ  بل فوري طور تي قومي اسيمبلي ۾ پيش ڪرڻ جي هدايت ڪري ڇڏي آهي.

سوشل ميڊيا تي ٽوئيٽ ڪندي  وزير اعظم چيو ته وفاقي گهرو وزارت تشدد جي خاتمي وارو بل فوري طور تي ايوان ۾ پيش ڪري.

عمران خان چيو ته مهذب جمهوري  معاشري  ۾ تشدد ڪنهن به صورت ۾ قابل قبول ٿي نٿو سگهي.

هن چيو ته تشدد اسلام جي روح جي خلاف  آهي، اسان جو  آئين ۽ عالمي  قانون به تشدد جي اجازت نٿا ڏين ۽ اهو عالمي قانونن جي به ڀڃڪڙي آهي.

واضح رهي ته قومي اسيمبلي ۽ سينيٽ جو اجلاس سومر تي ٿي رهيو آهي، جنهن ۾ ايف اَي ٽي ايف سميت مختلف بل پيش ڪيا ويندا.