سنڌ هاءِ ڪورٽ نيب کي اڳوڻي چيف سيڪريٽري کي زمين جي غير قانوني الاٽمينٽ ڪيس ۾ گرفتار نه ڪرڻ جو حڪم ڏئي ڇڏيو

سنڌ هاءِ ڪورٽ نيب کي وڏي وزير جي انسپيڪشن ٽيم جي سربراهه سبحان ميمڻ ۽ اڳوڻي چيف سيڪريٽري غلام علي پاشا کي زمينن جي غير قانوني الاٽمينٽ واري ڪيس ۾ گرفتار نه ڪرڻ جو حڪم ڏئي ڇڏيو آهي.

سنڌ هاءِ ڪورٽ جي جسٽس صادق ڀٽي جي سربراهي ۾ بئچ سبحان ميمڻ ۽ اڳوڻي چيف سيڪريٽري غلام علي پاشا جي درخواست تي ٻڌڻي ڪئي.

درخواست ۾ موقف اختيار ڪيو ويو آهي ته کين 9 جون وارين اخبارن ذريعي پتو پيو آهي ته، نيب چيئرمين  1992 ۾ زمينن جي غير قانوني الاٽمينٽ واري ڪيس ۾ سندن گرفتاري جي منظوري ڏني آهي.

ٻنهي ڪامورن جي وڪيل شاهد حيات  دليل ڏيندي چيو ته سبحان ميمڻ ۽ غلام علي پاشا جو زمينن جي الاٽمينٽ سان ڪوبه واسطو نه رهيو آهي.

نيب کي وڏي وزير جي انسپيڪشن ٽيم جي سربراهه سبحان ميمڻ ۽ اڳوڻي چيف سيڪريٽري غلام علي پاشا کي زمينن جي غير قانوني الاٽمينٽ واري ڪيس ۾ گرفتار نه ڪرڻ جو حڪم ڏئي ڇڏيو آهي.

عدالت ٻنهي ڪامورن خلاف رڪارڊ 29 جون تي پيش ڪرڻ جو به حڪم ڏنو.

پنهنجو رايو هتي ڏيو

Your e-mail address will not be published.
Required fields are marked*