سنڌ سرڪار يوم علي جي موقعي تي اڄ چار وڳي کان رات 9 وڳي تائين موبائيل سروس بند رکڻ جو فيصلو ڪيوآهي، سڀاڻي ڪراچي،حيدرآباد ۽ سکر ۾ به موبائيل سروس بند رهندي، جڏهن ته ٻن ڏينهن تائين موٽر سائيڪل جي ٻيلهه سواري تي پابندي پڻ لڳائي وئي آهي.

ڪراچي، حيدرآباد ۽ سکر ۾ يوم علي جي موقعي تي سڪيورٽي خدشن سبب موبائل سروس بند رکڻ جو فيصلو ڪيو ويو.

ڪراچي ۾ اڄ چار وڳي کان رات 9 وڳي تائين موبائيل سروس بند رکڻ جو فيصلو ڪيو ويو.

ڪراچي، حيدرآباد ۽ سکر ۾ سڀاڻي 9 وڳي کان رات 9 وڳي تائين موبائيل سروس بند رکڻ جو فيصلو ڪيو ويو.

ذريعن موجب ، ٽنهي شهرن ۾ سڪيورٽي خدشن سبب سنڌ سرڪار اهڙو فيصلو ڪيو آهي.

سنڌ جي گهرو کاتي حضرت علي عليه السلام جي شهادت جي ڏهاڙي تي ڪراچي سميت مختلف شهرن ۾ اڄ کان ٻن ڏينهن تائين موٽر سائيڪل جي ٻيلهه سواري تي پابندي پڻ لڳائي آهي جڏهن ته جلوسن جي سيڪورٽي لاءِ 10هزار پوليس ۽ رينجرز جا اهلڪار  مقرر ڪيا ويندا.

گهرو کاتي پاران جاري ڪيل پريس بيان موجب، حضرت علي عليه السلام جي شهادت  جي ڏهاڙي تي ڪراچي، ميرپور خاص، سکر ۽ حيدرآباد ۾ اڄ کان ٻن ڏينهن تائين موٽر سائيڪل جي ٻليهه سواري تي پابندي لاڳو ڪئي وئي آهي.

گهرو کاتي پاران جاري ڪيل بيان موجب، يوم علي جي سلسلي ۾ ڪراچي ۾ ماتمي جلوس جي نگراني ۽ سڪيورٽي لاءِ رينجرز ۽ پوليس جا 10 هزار کان وڌيڪ اهلڪار مقرر ڪيا ويندا