موسميات کاتي چوماسي جي برساتن جو هلندڙ سلسلو وڌيڪ 7 ڏينهن تائين پاڪستان ۾ موجود رهڻ جي اڳڪٿي ڪئي آهي

 موسميات کاتي چوماسي جي برساتن جو هلندڙ سلسلو وڌيڪ 7 ڏينهن تائين پاڪستان ۾ موجود رهڻ جي اڳڪٿي ڪئي آهي، موسميات کاتي موجب ايندڙ ٽن ڏينهن دوران برسات جي سلسلي ۾ وڌيڪ شدت ايندي.

ڪراچي سميت سنڌ جي مختلف علائقن ۽ ڏکڻ پنجاب ۾ تيز برسات جو امڪان آهي، موسميات کاتي موجب هن ڀيري چوماسي جي برساتن جو سلسلو انتهائي شديد آهي.

موسميات کاتي اڳڪٿي ڪئي آهي ته چوماسي جي هلندڙ برساتن جو سلسلو 7 ڏينهن تائين پاڪستان ۾ موجود رهندو، جيڪو ايندڙ ٽن ڏينهن ۾ وڌي سگهي ٿو.

موسميات کاتي موجب مون سون جو سلسلو سنڌ ۾ داخل ٿي چڪو آهي، اڄ  ۽ سڀاڻي ڪراچي، ٺٽي ۽ سجاول ۾ شديد برساتن جو امڪان آهي.

موسميات کاتي پنجاب ۾ سنڌو درياءِ جي ڀرپاسي وارن علائقن ميانوالي،  ڪنديان، دائود خيل ۽ بکر جي ٻوڏ متاثر علائقن ۾ برسات جي اڳڪٿي ڪئي آهي.

موسميات کاتي موجب، ٻوڏ متاثر علائقن ۾ وڌيڪ برسات جو امڪان آهي پر ٻن ڏينهن بعد چترال درياءَ ۾ پاڻي جي وهڪرن ۾ گهٽتائي اچي ويندي.

خيبرپختونخواهه جي مٿانهين وارن علائقن هزاره ڊويزن، وادي نيلم، ڪشمير ۾ به خميس ۽ جمعي تي چوماسي جي برساتن جو امڪان آهي، جڏهن ته ايندڙ ڪجهه ڏينهن دوران سنڌ ۽ پنجاب ۾ مون سون جي برساتن جي سلسلي جو زور رهندو، جنهن بعد هي سلسلو بلوچستان تائين ڦهلجي ويندو.

بلوچستان جي علائقن سبي، نصير آباد ۽ قلات ۾ به برسات پوندي، جنهن سبب مقامي ندي نالن ۾ چاڙهه جو خطرو آهي…………….

پنهنجو رايو هتي ڏيو

Your e-mail address will not be published.
Required fields are marked*