سپريم ڪورٽ ڪوٽ راڌا ڪشن ۾ مسيحي جوڙي کي زندهه ساڙي ماري ڇڏڻ جو پاڻمرادو نوٽيس وٺي ڇڏيو

سپريم ڪورٽ آف پاڪستان ڪوٽ راڌا ڪشن ۾ مسيحي جوڙي کي زندهه ساڙي ماري ڇڏڻ واري معاملي جو پاڻ مرادو نوٽيس وٺندي وفاق ۽ پنجاب کي نوٽيس جاري ڪندي ٽن ڏينهن اندر تفصيلي رپورٽ طلب ڪري ورتي آهي.

سپريم ڪورٽ آف پاڪستان جي چيف جسٽس سپريم ڪورٽ جي رجسٽرار پاران اقليتن کي تحفظ فراهم ڪرڻ واري هدايت تي عمل ٿيڻ بابت حڪومت کان رپورٽ طلب ڪئي هئي، جيڪا پيش نه ٿيڻ تي ڪوٽ راڌا ڪشن سانحي جو پاڻمرادو نوٽيس ورتو ويو.

چيف جسٽس آف پاڪستان ڪوٽ راڌا ڪشن ۾ مسيحي جوڙي کي زندهه ساڙڻ واري سانحي جي تفصيلي رپورٽ ٽن ڏينهن اندر طلب ڪري ورتي آهي.

ياد رهي ته ڪوٽ راڌا ڪشن ۾ مسيحي جوڙي کي زندهه ساڙي ماريو ويو هو، جنهن کان اڳ سپريم ڪورٽ پشاور ۾ مندر تي ٿيل حملي کانپوءِ اقليتن کي تحفظ فراهم ڪرڻ جي هدايت ڪئي هئي، جنهن تي عمل بابت رجسٽرار رپورٽ طلب ڪئي هئي، جيڪا پيش نه ٿيڻ تي ڪوٽ راڌا ڪشن سانحي جو پاڻمرادو نوٽيس ورتو ويو.

پنهنجو رايو هتي ڏيو

Your e-mail address will not be published.
Required fields are marked*