آزاد ڪشمير جي علائقي ڪوٽلي ۾ پيپلزپارٽي ۽ نوازليگ جي ڪارڪنن وچ ۾ جهيڙي دوران فائرنگ ۾ هڪ ڄڻو مارجي ويو ۽ 4 زخمي

Pakistan-Flag-In-Azad-Kashmir

آزاد ڪشمير جي علائقي ڪوٽلي ۾ پيپلزپارٽي ۽ نوازليگ جي ڪارڪنن وچ ۾ جهيڙي دوران فائرنگ ۾ هڪ ڄڻو مارجي ويو ۽ 4 زخمي ٿي پيا آهن، ڇڪتاڻ گهٽائڻ لاءِ پوليس جي اضافي نفري طلب ڪئي وئي آهي.

ڪـــــوٽلي جي نڪيال واري علائقي ۾ پ پ ڪارڪن بلاول ڀٽو زرداري جي رٿيل ڪنونشن ۽ نواز ليگ ڪارڪنن پاران مقامي اڳواڻن جي حمايت ۾ر يليون ڪڍيون پئي ويون ته ڇڪتاڻ ٿي پئي.

ٻنهي پارٽين جي ڪارڪنن ۾ ڇڪتاڻ وڌڻ سبب پوليس پاران مڇريل مظاهرين کي ڇڙو وڇڙ ڪرڻ لاءِ لٺبازي ڪرڻ سان گڏ شيلنگ ڪئي وئي.

ذريعن جو چوڻ آهي ته ڇڪتاڻ جي نتيجي ۾ هڪ ڄڻو مارجي ويو، جڏهن ته ٻنهي پارٽين جا 4 کان وڌيڪ ڪارڪن زخمي ٿي پيا آهن.

پوليس جو چوڻ آهي ته مارجي ويل ڪارڪن ۽ زخمين ڊي ايڇ ڪيو منتقل ڪيو ويو آهي، جتي ڪجهه زخمين جي حالت ڳڻتي جوڳي حالت ۾ ٻڌائي پئي وڃي.

ذريعن جو چوڻ آهي ته ڇڪتاڻ گهٽائڻ لاءِ پوليس جي اضافي نفري طلب ڪئي وئي آهي………….

پنهنجو رايو هتي ڏيو

Your e-mail address will not be published.
Required fields are marked*