بلوچستان جي نوشڪي  واري علائقي  ۾ مارجي ويل شخص ولي محمد جي سڃاڻپ ڪارڊ تي سندس عارضي ايڊريس ڪراچي جي لکيل آهي، جڏهن ته قانون لاڳو ڪندڙ ادارن ولي محمد کي 2012 ۾ فليٽ وٺرائي ڏيندڙ اسٽيٽ ايجنٽ يوسف کي گرفتار ڪري ورتو آهي.

ذريعن موجب ولي محمد جي سڃاڻپ ڪارڊ تي ايڊريس  ڪراچي ۾ هڪ فليٽ بسم الله ٽيرس جي آهي، جنهن ۾اڄڪلهه شاهد نالي شخص ترسيل آهي.

ذريعن موجب شاهد اهو فليٽ  اسٽيٽ ايجنٽ يوسف ذريعي ڪرائي تي ورتو هو، 2012 ۾ ان فليٽ ۾ ولي محمد ۽ بشير نالي 2 ڄڻا ڪرائي تي رهندا هئا.

ذريعن موجب ڳجهن ادارن گذريل رات ڪراچي ۾ ڪارروائي ڪري ولي محمد کي فليٽ وٺرائي ڏيندڙ اسٽيٽ ايجنٽ يوسف کي گرفتار ڪري ورتو آهي.