پاڪ سرزمين پارٽي جي سربراهه مصطفيٰ ڪمال بجيٽ خرچ ڪرڻ کان اڳ صوبائي فنانس ڪميشن جوڙڻ جو مطالبو ڪندي چيو آهي ته وفاقي ۽ صوبائي حڪومتن جو رويو غير جمهوري آهي .

ڪراچي ۾ پريس ڪانفرنس ڪندي مصطفيٰ ڪمال چيو ته 18هين ترميم کانپوءِ عام ماڻهو جي حالت خراب ٿي آهي ۽ ٻڌايو وڃي ته 18هين ترميم کانپوءِ ڪهڙا مسئلا حل ٿيا آهن.

هن چيو ته اين ايف سي رقم ضايع ٿي رهي آهي، پئسو خرچ ٿيڻ باوجود منصوبا نه پيا لڳن ۽ ڪجهه ماڻهو ڪروڙين ماڻهن جي قسمت جو فيصلو ڪري رهيا آهن.

مصطفيٰ ڪمال چيو ته اين ايف سي جو گهڻو گوڙ ٻڌو پر صوبائي سطح تي ڪم نه ٿيو ۽ مڪاني ادارن جي چونڊيل نمائندن کي اختيار ڏيڻ ۾ دير ڪئي پئي وڃي.

مصطفيٰ ڪمال چيو ته وفاقي ۽ صوبائي حڪومتن جو رويو غير جمهوري آهي ۽ هاڻ بجيٽ جو پئسو ظايع ٿيڻ وڃي رهيو آهي.

هن چيو ته اين ايف سي جو فارمولا صوبن لاءِ استعمال ڪيو وڃي ۽ ڏسڻو پوندو ته مهانگائي، غربت ۽ آبادي ڪٿي گهڻي آهي.