چارسده جي تنگي عدالت تي حملي دوران مارجي ويل ٻن دهشتگردن جي سڃاڻپ افغاني شهري طور هجڻ جي تصديق ڪئي وئي آهي، مختلف علائقن ۾ ڪارروائي دوران پوليس دهشتگردن جي ٽن سهولتڪارن سميت 150 کان وڌيڪ شڪي ماڻهن کي گرفتار ڪري ورتو آهي.

گذريل ڏينهن چارسده جي تنگي عدالت تي حملي دوران فورسز جي ڪارروائي ۾ مارجي ويل ٻن دهشتگردن جي سڃاڻپ افغاني شهري طور ڪئي وئي آهي.

تنگي عدالت تي دهشتگردن جي حملي بعد پوليس مختلف علائقن ۾ ٽارگيٽيڊ آپريشن ڪري دهشتگردن جي ٽن سهولتڪارن کي گرفتار ڪري ورتو.

پوليس موجب گرفتار ٿيل افغاني شهري آهن، جن کان پڇا ڳاڇا ڪئي پئي وڃي.

هنگو جي مختلف علائقن ۾ پوليس ڪارروائي ڪري 25 اشتهاري جوابدارن سميت 100 ڄڻن کي  گرفتار ڪري ورتو.

  پشاور جي مختلف علائقن  ۾ پوليس ڪارروائي جي نتيجي ۾ 25 کان وڌيڪ ماڻهن کي شڪ جي بنياد تي گرفتار ڪيو ويو آهي.

مردان جي مختلف علائقن ۾ به پوليس ڪارروائي ڪري 30 شڪي ماڻهن کي گرفتار ڪيو، جن کان پڇا ڳاڇا جاري آهي……………………….