سنڌ جي مختلف شهرن ۾ باهه لڳڻ جي واقعن ۾ هڪ نينگري سڙي فوت ٿي وئي ۽ لکين روپين جو سامان سڙي رک ٿي ويو آهي

fire

سنڌ جي مختلف شهرن ۾ باهه لڳڻ جي واقعن ۾ هڪ نينگري سڙي فوت ٿي وئي ۽ لکين روپين جو سامان سڙي رک ٿي ويو آهي.  ڏيپلو ۾ راڳي ممتاز ڏيپلائي جي گهر کي چلهه جي چڻنگ باهه لڳڻ جي نتيجي ۾ 16سالن جي نينگري دعا سڙي فوت ٿي وئي.  شهدادڪوٽ شهر جي لکپت روڊ محلي ۾ باهه لڳڻ جي نتيجي ۾ 5 گهرن ۾ رکيل الهه تلهه سڙي رک ٿي ويو. خانواهڻ ويجهو ڳوٺ بگو خاصخيلي ۾ باهه لڳڻ جي نتيجي ۾ شهمير خاصخيلي ۽ نظير خاصخيلي جا گهر سڙي رک ٿي ويا. ڳڙهي خيري ويجهو ڳوٺ سهڻو لهر ۾ شارٽ سرڪٽ سبب باهه لڳڻ جي نتيجي ۾ قربان ۽ غلام محمد گوپانگ جا گهر سڙي ويا.

متاثرن چيو ته گهرن ۾ باهه لڳڻ سبب اناج سميت ٻيو قيمتي سامان سڙي ويو آهي. اڏيرو لال ويجهو ڪولهي برادري جي گهرن ۾ باهه لڳڻ سبب 3 گهر سڙي ويا، گهرن ۾ باهه لڳڻ سبب اناج سميت ٻيو سامان سڙي رک ٿي ويو. باهه متاثرن حڪومت کان مطالبو ڪيو ته مالي مدد ڪري سندن ٻچن کي بکون ڪاٽڻ کان بچايو وڃي.

پنهنجو رايو هتي ڏيو

Your e-mail address will not be published.
Required fields are marked*