مسلم ليگ نون نئين وزيراعظم طور شهباز شريف جي نالي جي منظوري ڏئي ڇڏي، حتمي فيصلو پارليماني پارٽي  جي اجلاس ۾ڪيو ويندو، وزيراعظم هائوس ۾ نواز شريف جي صدارت هيٺ ٿيل پارٽي جي غير رسمي اجلاس ۾ شهباز شريف جي نالي جي منظوري ڏني وئي آهي.

ذريعن موجب اجلاس ۾ شاهد خاقان عباسي، خرم دستگير، راڻا تنوير جي نالن تي پڻ غور ويچار ڪيو ويو، جڏهن ته شاهد خاقان عباسي کي وقتي وزيراعظم بڻايو ويندو.

اجلاس ۾ چوڌري نثار علي، شهباز شريف، اياز صادق، خرم دستگير، خواجا سعد رفيق، عبدالقادر بلوچ، اسحاق ڊار سميت ٻين اڳواڻن شرڪت ڪئي.

اجلاس ۾ اٽارني جنرل اشتر اوصاف ۽ بئريسٽر ظفرالله  نواز شريف کي رويو پٽيشن بابت بريف ڪيو.