وفاقي ڪابينا جي جوڙجڪ لاءِ نوازليگ جو اجلاس مري ۾ جاري آهي

ijlas muree

وفاقي ڪابينا جي جوڙجڪ لاءِ نوازليگ جو اجلاس مري ۾ جاري آهي، جنهن ۾ وزيراعظم شاهد خاقان عباسي، ميان نوازشريف، شهباز شريف ۽ ٻيا شريڪ آهن.

وزيراعظم شاهد خاقان عباسي مري ۾ نوازليگ سربراهه ۽ اڳوڻي وزيراعظم نوازشريف جي رهائشگاهه تي پهتو.

ان موقعي تي ٻنهي اڳواڻن وچ ۾ ملاقات ٿي، جنهن ۾ شهباز شريف به شريڪ ٿيو.

ملاقات بعد نوازليگ جو مشاورتي اجلاس ٿي رهيو آهي، جنهن ۾ شاهد خاقان عباسي، ميان نوازشريف ۽ شهباز شريف کانسواءِ پارٽي جا سينيئر اڳواڻ ۽ اڳوڻا وفاقي وزير به شريڪ آهن.

اجلاس ۾ وفاقي ڪابينا جي جوڙجڪ بابت مشاورت ڪئي پئي وڃي، امڪان آهن ته نوازشريف جي ڪابينا ۾ شامل وزير اڄ ٻيهر حلف کڻندا.

ذريعن موجب چوڌري نثار ڪابينا ۾ شامل ٿيڻ کان انڪار ڪيو آهي، عدالتي فيصلي سبب اسحاق ڊار جي به ڪابينا ۾ شموليت جا امڪان گهٽ آهن.

پي ايم هائوس جي ترجمان چيو آهي ته  ڪابينا ۾ شامل ٿيندڙ وزير شام ساڍي 5 وڳي حلف کڻندا.

پنهنجو رايو هتي ڏيو

Your e-mail address will not be published.
Required fields are marked*