پنجاب ۾ ڪوهيڙي سبب وفاقي سرڪار4 هزار  205 ميگاواٽ بجلي پيدا ڪندڙ  پاور پلانٽس ۽ 4 نيو ڪليئر پاور پلانٽس بند ڪرائي ڇڏيا، پاور ڊويزن چيو آهي ته ڄامشورو، ڪيپڪو، مظفر ڳڙهه، لبرٽي، حبڪو، نارووال ۽ اٽلس پاور پلانٽس بند ڪرايا ويا آهن..

پاور ڊويزن پنهنجي جاري ڪيل پڌرنامي ۾ چيو آهي ته پنجاب ۾ ڪوهيڙي سبب 4 هزار  205 ميگاواٽ بجلي پيدا ڪندڙ  پاور پلانٽس ۽ 4 نيو ڪليئر پاور پلانٽس بند ڪرايا ويا آهن.

پار ڊويزن جي پڌرنامي موجب، ڪوهيڙي سبب ڄامشورو، ڪيپڪو، مظفر ڳڙهه، لبرٽي، حبڪو، نارووال ۽ اٽلس پاور پلانٽس بند ڪرائي ويا.

پڌرنامي ۾ چيو ويو آهي ته پن بجلي جي پيدوار 7 هزار هوندي آهي، جنهن جي مقابلي ۾ هاڻ 2700 ميگاواٽ بجلي پيدا ٿي رهي آهي.

پاور ڊويزن چيو آهي ته چئني نيوڪليئرس پاور پلانٽس جي بحالي 72 ڪلاڪن اندر ٿيڻ جو امڪان آهي.

پڌرنامي ۾ چيو ويو آهي ته وفاقي حڪومت جي هدايت تي 1200 ميگاواٽ پاور پلانٽس بند ڪيا ويا، جن ۾ چشمه ون، ٽو، ٿري ۽ فور شامل آهن.

 پڌرنامي موجب، 400 ميگاواٽ بجلي پيدا ڪندڙ ڄامشورو پلانٽ ۽ 700 ميگاواٽ  جو ڪيپڪو پاور پلانٽ بند ڪيو ويو آهي.

پاور ڊويزن موجب، هڪ هزار ميگاواٽ پيدا ڪندڙ مظفر  ڳڙهه پاور پلانٽ به بند ڪيو ويو آهي.

پڌرنامي ۾ چيو ويو آهي ته پاور پلانٽس ۾ 950 ميگاواٽ جو حبڪو پاور پلانٽ شامل آهي.

پاور ڊويزن جي پڌرنامي ۾ چيو ويو آهي ته مهانگي تيل تي بجلي پيدا ڪندر چار هزار 250 ميگاواٽ جا 4 پلانٽ به بند ڪيا ويا آهن………