تحريڪ انصاف کي سينيٽ چيئرمين جي چونڊ ۾ حصو وٺڻ گهرجي، خورشيد شاهه جون سکر ۾ ميڊيا سان ڳالهيون

قومي اسيمبلي ۾ مخالف ڌر جي اڳواڻ خورشيد شاهه عمران خان کي سياسي عمل کان ٻاهر نه وڃڻ جو مشورو   ڏيندي چيو آهي ته تحريڪ انصاف کي سينيٽ چيئرمين جي چونڊ ۾ حصو وٺڻ گهرجي.

سکر سول اسپتال جي دوري دوران ميڊيا سان ڳالهائيندي  خورشيد شاهه چيو ته تحريڪ انصاف سينيٽ چونڊن ۾ حصو ورتو ۽ سندس 6 سينيٽر چونڊجي ويا.

هن چيو ته تحريڪ انصاف جي سربراهه عمران خان کي سياسي عمل کان ٻاهر نه وڃڻ جو مشورو ڏنو آهي ۽ هو بهتر فيصلا ڪري سگهي ٿو.

هڪ سوال جي جواب ۾ خورشيد شاهه جو چوڻ هو ته تحريڪ انصاف کي سينيٽ چيئرمين جي چونڊ  ۾ حصو  وٺڻ گهرجي.

خورشيد شاهه وڌيڪ چيو ته سکر سول اسپتال جي بهتري لاءِ هو گهڻو ڪجهه ڪري رهيا آهن، صحت جي سهولتن لاءِ شهر اندر مختلف منصوبا هلندڙ آهن.

پنهنجو رايو هتي ڏيو

Your e-mail address will not be published.
Required fields are marked*