گجرانوالا سينٽرل جيل ۾ لاهور جي رهواسي قيدي ڦاهو کائي آپگهات ڪري ڇڏيو

گجرانوالا سينٽرل جيل ۾ لاهور جي رهواسي قيدي ڦاهو کائي آپگهات ڪري ڇڏيو، قيدي پيءُ کي لکيل خط ۾ چيو آهي ته سندس موت جا ذميوار ساهرا آهن.

پوليس موجب لاهور جي مزنگ چورنگي واسي جاويد پٺاڻ کي گوجرانوالا ۾ زال کي پرچائڻ لاءِ آيل هو، ساهرن کان انڪار تي هن خنجر وار وار ڪري سالي ۽ زال کي زخمي ڪري ڇڏيو هو.

زال جي شڪايت تي پوليس جاويد کي گرفتار ڪري گوجرانوالا سينٽرل جيل  ۾ بند ڪري ڇڏيو هو، جتي هن آپگهات ڪري ڇڏيو.

ذريعن موجب، جوابدار آپگهات ڪندڙ جاويد جي لاش وٽان هڪ خط لکيو آهي، جنهن ۾ هن موت جو ذميوار پنهنجي ساهرن کي قرار ڏنو آهي.

پوليس جو چوڻ آهي ته واقعي جي وڌيڪ جاچ ڪئي پئي وڃي، قيدي جو لاش وارثن حوالي ڪيو ويو آهي.

پنهنجو رايو هتي ڏيو

Your e-mail address will not be published.
Required fields are marked*