سنڌ هاءِ ڪورٽ جي چيف جسٽس جسٽس فيصل عرب چيو آهي ته خيرپور ضلعي ۾ جلد ججز جي کوٽ ختم ڪئي ويندي، قابليت جي بيناد تي نوان جج ڀرتي ڪيا ويندا.

خيرپور  ۾ بار ايسوسيئيشن جي نون چونڊيل عهديدارن کي حلف کڻائڻ بعد تقريب کي خطاب ڪندي جسٽس فيصل عرب چيو ته جلد خيرپور ضلعي ۾ بيڪنگ ڪورٽ قائم ڪئي ويندي.

جسٽس فيصل عرب چيو ته خيرپور ضلعي ۾ ٻن مهينن اندر ججز جي کوٽ ختم ڪئي ويندي، سنڌ مان جوانن کان قابليت جي بنياد تي انٽريو ورتا ويندا.

جسٽس فيصل عرب چيو ته خيرپرو ضلعي ۾ ڪراچي بار کان وڏي بار ايسوسيئيشن هوندي، دهشتگردي ٽوڙ عدالت  ۾ وڪيلن جي کوٽ جلد ختم ڪئي ويندي.

ان موقعي تي ڊي سي خيرپور منور مٺاڻي پاران چيف جسٽس فيصل عرب ۽ بار جي نون چونڊيل عهديدارن کي  خيرپور جي تاريخ تي لکيل ڪتاب تحفي طور پيش ڪيو.