صولت مرزا جي الزامن کانپوءِ وفاقي گهرو وزارت ايم ڪيو ايم رابطا ڪميٽي جي اڳواڻن جا نالا اي سي ايل ۾ شامل ڪري ڇڏيا

صولت مرزا جي الزامن کانپوءِ وفاقي گهرو وزارت، ايم ڪيو ايم  رابطا ڪميٽي جي  حيدرعباس رضوي، بابر غوري، عامر خان، خالد مقبول صديقي، وسيم اختر ۽ ٻين اڳواڻن جا نالا اي سي ايل ۾ شامل  ڪيا آهن،گهرو وزارت ايف آءِ اي کي هدايت ڪئي آهي ته سنڌ جي گورنر کي ملڪ کان ٻاهر وڃڻ جي اجازت نه ڏني وڃي.

گهرو وزارت ايم ڪيو ايم جي رابطا ڪميٽي جي حيدرعباس رضوي، خالد مقبول صديقي، وسيم اختر، عامر خان، فيصل سبزواري ۽ واسع جليل جا نالا اي سي ايل ۾ شامل ڪيا آهن.

گهرو وزارت ايف آءِ اي کي هدايت ڪئي آهي ته سنڌ جي گورنر عشرت العباد کي ملڪ کان ٻاهر وڃڻ جي اجازت نه ڏني وڃي.

ڦاهي جي منتظر صولت مرزا گذريل رات وڊيو پيغام ۾ چيو هو ته هن الطاف حسين جي چوڻ تي ڪي اي ايس سي جي اڳوڻي ايم ڊي شاهد حامد کي قتل ڪيو  ۽ اهو منصوبو بابر غوري جي گهر تي جوڙيو ويو هو.

صولت مرزا چيو هو ته ايم ڪيو ايم جي سينئر اڳواڻ عظيم طارق کي به الطاف حسين جي چوڻ تي قتل ڪيو ويو.

صولت مرزا سنڌ جي گورنر ۽ ٻين اڳواڻن تي  به الزام مڙهيا هئا.

پنهنجو رايو هتي ڏيو

Your e-mail address will not be published.
Required fields are marked*