دادو  ڀرسان لاشاري ۽ مري برادري جي ٻن ڌرين ۾ هلندڙ زميني تڪرار تان هٿيار بندن فائرنگ ڪري ڇهن ڄڻن کي قتل ڪري ڇڏيو ۽ فائرنگ ۾ هڪ ڄڻو زخمي ٿي پيو آهي

دادو  ڀرسان لاشاري ۽ مري برادري جي ٻن ڌرين ۾ هلندڙ زميني تڪرار تان هٿيار بندن فائرنگ ڪري ڇهن ڄڻن کي قتل ڪري ڇڏيو ۽ فائرنگ ۾ هڪ ڄڻو زخمي ٿي پيو آهي، ايس ايس پي دادو جو چوڻ آهي ته قاتلن جي گرفتاري لاءِ ڪارروايو ڪري رهيا آهيون.

ڊسٽرڪٽ جيل ڀرسان ڳوٺ ٻوڪ ۾ هٿيار بندن عدالتي پيشي تان واپس گهر ويندڙن جي ڪار تي فائرنگ ڪري ڏني، جنهن جي نتيجي ۾ 3 ڄڻا ٿڏي تي مارجي ويا، ۽ 4 ڄڻا زخمي ٿي پيا.

واقعي دوران ماڻهن ۾ ڀاڄ پئجي وئي، ۽ هٿيار بند فائرنگ ڪندا فرار ٿي ويا، جڏهن ته اطلاع تي پوليس پهچي مارجي ويلن جا لاش ۽ زخمين کي اسپتال پهچايو، جتي ٽن ڄڻن زخمن جا سور نه سهندي دم ڌڻي حوالي ڪري ڇڏيو.

فائرنگ ۾ مارجي ويلن ۾ محمد مٺل لاشاري، ارباب لاشاري، هدايت علي لاشاري، بادل لاشاري، معشوق لاشاري ۽ شاهد لاشاري شامل جڏهن ته زخمي  جو نالو محمد اعظم برهماڻي ٻڌايو پيو وڃي.

پوسٽ مارٽم بعد فوتين جا لاش ڳوٺ وڏيون مَنهيون پهچايا ويا، هڪ ئي وقت 6 لاش گهر پهچائڻ تي ڪهرام مچي ويو.

ايس ايس پي تنوير تنيو ڪي ٽي اين نيوز سان ڳالهائندي چيو ته واقعو لاشاري ۽ مري برادري جي ٻن ڌرين ۾ هلندڙ پراڻي تڪرار تان پيش آيو آهي.

ايس ايس پي دادو جو چوڻ هو ته مري برادري جي هٿياربندن جي گرفتاري لاءِ 15 ايس ايڇ اوز ۽ ڊي ايس پيز جي اڳواڻي ۾ پوليس جي ٽيم رواني ڪئي وئي آهي………………

پنهنجو رايو هتي ڏيو

Your e-mail address will not be published.
Required fields are marked*