0
0
سنڌ هاءِ ڪورٽ ڪراچي جي ڪلفٽن واري علائقي ۾ ٺهندڙ انڊر پاس آڏو شِو مندر کي بچائڻ بابت درخواست تي ڪي ايم سي ۽ بحريه ٽائون کان 11 نومبر تائين رپورٽ گهري ورتي آهي.
سنڌ هاءِ ڪورٽ شِو مندر ڪلفٽن کي بحريه ٽائون پاران ٺهندڙ انڊر پاس جي نقصان کان بچائڻ بابت مڪيش چاولا جي درخواست تي ٻڌڻي ڪئي.
عدالت ڪي ايم سي ۽ بحريه ٽائون جي وڪيلن تي ڪاوڙ جو اظهار ڪندي هدايت ڪئي ته مندر جي حفاظت لاءِ جوڳا اپاءُ ورتا وڃن.
بحريه ٽائون جي وڪيل موقف اختيار ڪيو ته اڏاوتي ڪم لاءِ مشينري پرڏيهه مان گهرائي پئي وڃي، جنهن سان اڏاوتي ڪم دوران مندر کي نقصان نه پهچندو.
عدالت مندر جي تحفظ جو حڪم ڏيندي ڌرين کان 11 نومبر تائين تفصيلي جواب طلب ڪري ورتا.
