وفاقي حڪومت سان اختلافن کانپوءِ پنجاب جي گورنر چوڌري سرور عهدي تان استعيفيٰ ڏئي ڇڏي آهي، چوڌري سرور اڄ 2 وڳي اهم پريس ڪندو، نئين گورنر لاءِ مخدوم احمد محمود سميت مختلف نالن تي غور ڪيو پيو وڃي.
ذريعن موجب، پنجاب جي گورنر چوڌري سرور پاران آمريڪي صدر براڪ اوبامه جي دوري تي پاڪستان جي پرڏيهي پاليسي تي تنقيد جو وزيراعظم نواز شريف سختيءَ سان نوٽيس ورتو هو، جنهن سبب کيس هٽائڻ جو فيصلو پڻ ڪيو ويو هو.
حڪومت جي هٽائڻ کان اڳ ئي چوڌري سرور پنجاب جي گورنرشپ تان استعيفيٰ ڏئي صدر ممنون حسين ڏانهن موڪلي ڇڏي آهي.
چوڌري سرور جو چوڻ آهي ته وٽس ڪي به اختيار ناهن، موجوده حڪومت تعليم ۽ صحت جي شعبي ۾ ناڪام ٿي وئي آهي، تنهن ڪري هو وڌيڪ گورنر طور ڪم نٿو ڪري سگهي.
چوڌري سرور چيو ته هو اڄ2 وڳي پريس ڪانفرنس ڪر ي عوام کي آگاهه ڪندو.
پنجاب جي گورنر جي استعيفيٰ بعد حڪومت مختلف نالن تي غور شروع ڪري ڇڏيو آهي، جن مان اڳوڻي گورنر مخدوم احمد محمود جو نالو سرفهرست آهي، جڏهن ته راڻا اقبال ۽ جعفر اقبال جي نالن تي به غور ڪيو پيو وڃي.
