وزيراعظم نواز شريف جي آمد ۽ ڪورم پورو نه هئڻ سبب سنڌ اسيمبلي جو اجلاس سومر تائين ملتوي ڪيو ويو
0
0
وزيراعظم نواز شريف جي آمد ۽ ڪورم پورو نه هئڻ سبب سنڌ اسيمبلي جو اجلاس سومر تائين ملتوي ڪيو ويو آهي.
سنڌ اسيمبلي جو اجلاس اسپيڪر آغا سراج دراني جي صدارت هيٺ ٿيو، جنهن ۾ سينيئر وزير نثار احمد کهڙي ۽ مڪيش ڪمار چاولا سميت رڳو 3 ميمبر موجود هئا.
ايوان ۾ سينيئر وزير نثار احمد کهڙي ڪورم پورو نه هئڻ جي نشاندهي ڪئي، جنهن تي اسپيڪر پاران اجلاس سومر تائين ملتوي ڪيو ويو.
اسيمبلي قانونن موجب، ميمبرز نه هئڻ تي گهنٽيون وڄايون وينديون آهن پر اسپيڪر رڳو ٽن منٽن اندر ئي اجلاس ملتوي ڪيو.
واضح رهي ته ايم ڪيو ايم پاران وڏي وزير خلاف استحقاق واري رٿ جمع ڪرائي وئي هئي، جنهن سبب اڄوڪي اجلاس ۾ گرما گرم بحث ٿيڻ جو امڪان هو پر اسپيڪر ڪارروائي هلائڻ بدران اجلاس سومر تائين ملتوي ڪري ڇڏيو.
