وانا ۾ 2 ڏينهن اڳ دهشتگردن هٿان شهيد ٿي ويل فوجي اهلڪار عبدالسلام جو مڙهه مٽياري پهچائڻ بعد فوجي اعزاز سان مٽيءَ ماءُ حوالي ڪيو ويو، سندس جنازي نماز ۾ سياسي سماجي تنظيمن جي ماڻهن شرڪت ڪئي.
دهشتگردن سان وڙهندي شهادت ماڻيندڙ فوجي اهلڪار عبدالسلام جو مڙهه مٽياري پهچايو ويو، جنهن بعد اباڻي قبرستان ۾ فوجي اعزاز سان مٽيءَ ماءُ حوالي ڪيو ويو.
فوجي اهلڪارن جي جنازي نماز ۾ برگيڊِِيئر نعمت الله، ڪرنل زاهد، ق ليگ سنڌ جي صدر حليم عادل شيخ ۽ ٻين سياسي سماجي تنظيمن جي ماڻهن شرڪت ڪئي.
ان موقعي تي برگيڊيئر نعمت الله جو چوڻ هو ته فوجي اهلڪار عبدالسلام جي شهادت تي کين فخر آهي، جيستائين ملڪ جا جان نسار موجود آهن، تيستائي ڪير به پاڪستان ڏانهن ميري اک سان نٿو ڏسي سگهي.
ق ليگ سنڌ جي صدر حليم عادل شيخ جو چوڻ هو ته پاڪ فوج جي قربانين سبب ملڪ سلامت آهي، فوجي جوانن قربانيون ڏئي ملڪ کي مضبوط بڻايو آهي…………………….
