Home قومي پشاور ۾ سرچ آپريشن،هٿياربندن جي فائرنگ ،3 اهلڪار شهيد 6 زخمي
0

پشاور ۾ سرچ آپريشن،هٿياربندن جي فائرنگ ،3 اهلڪار شهيد 6 زخمي

0
0

Peshawar Police

پشاور جي ارمڙ واري علائقي ۾ سرچ آپريشن دوران هٿياربندن جي فائرنگ جي نتيجي ۾ 3 اهلڪار شهيد ۽ 6 اهلڪار زخمي ٿي پيا، جوابي ڪارروائي ۾ هڪ اشتهاري ڏوهاري به مارجي ويو.

پشاور جي ارمڙ واري علائقي ۾ ڏوهارين جي موجودگي واري اطلاع تي پوليس علائقي کي ڪڙو چاڙهي سرچ آپريشن ڪيو ته اڻڄاتل هٿياربندن پوليس تي فائرنگ ڪري ڏني.

فائرنگ ۾ 2 پوليس اهلڪار ٿڏي تي شهيد ۽7 زخمي ٿي پيا، پوليس جي جوابي ڪارروائي ۾ هڪ اشتهاري ڏوهاري به مارجي ويو.

شهيد ٿيل اهلڪارن جا لاش ۽ زخمي اهلڪارن کي پشاور جي ليڊي ريڊنگ اسپتال منتقل ڪيو ويو، جتي  وڌيڪ هڪ زخمي اهلڪار زخمن جي سٽ نه سهندي دم ڏنو، جڏهن ته 6 اهلڪارن جي حالت ڳڻتي جوڳي ٻڌائي پئي وڃي.

پوليس موجب، ڏوهارين جي موجودگي واري اطلاع تي سرچ آپريشن شروع ڪيو  ۽ جيئن اهلڪار پهتا ته هٿياربندن انڌا ڌنڌ فائرنگ ڪري ڏني.

واقعي بعد پوليس ۽ سڪيورٽي فورسز علائقي کي ڪڙو چاڙهي سرچ آپريشن شروع ڪري ڇڏيو آهي………….

LEAVE YOUR COMMENT

Your email address will not be published. Required fields are marked *