سنڌ هاءِ ڪورٽ اڳوڻي صوبائي وزير علي نواز شاهه ۽ سندس ساٿين جي سزا خلاف ۽ نيب جي سزا وڌائڻ لاءِ درخواستن تي ٻڌڻي ٻن هفتن لاءِ ملتوي ڪري ڇڏي

سنڌ هاءِ ڪورٽ اڳوڻي صوبائي وزير علي نواز شاهه ۽ سندس ساٿين جي سزا خلاف ۽ نيب جي سزا وڌائڻ لاءِ درخواستن تي ٻڌڻي ٻن هفتن لاءِ ملتوي ڪري ڇڏي.

سنڌ هاءِ ڪورٽ جي جسٽس احمد علي شيخ جي سربراهيءَ ۾ ڊويزن بئنچ اڳوڻي صوبائي وزير علي نواز شاهه ۽ خادم علي شيخ سميت ٽن ڄڻن جي سزا خلاف اپيل ۽ کين ٻڌايل سزا ۾ واڌ لاءِ نيب جي درخواستن تي ٻڌڻي ڪئي.

اڳوڻي صوبائي وزير علي شاهه ۽ ساٿين پاران داخل ڪرايل اپيل ۾ موقف اختيار ڪيو ويو آهي ته کين احتساب عدالت پاران ٻڌايل سزا غلط آهي، جيڪا رد ڪئي وڃي.

نيب پنهنجي درخواست ۾ موقف اختيار ڪيو آهي ته ڪرپشن ڪيس ۾ علي نواز شاهه ۽ سندس ساٿين کي ڏنل سزا تمام گهٽ آهي، جنهن ڪري ان ۾ واڌ ڪئي وڃي.

عدالت ٻنهي درخواستن تي ٻڌڻي ٻن هفتن لاءِ ملتوي ڪري ڇڏي.