Home سنڌ اليڪشن ڪميشن،سنڌ ۾ مڪاني چونڊن جي پهرين مرحلي ۾ حصو وٺندڙ اميدوارن جا تفصيل جاري ڪري ڇڏيا
0

اليڪشن ڪميشن،سنڌ ۾ مڪاني چونڊن جي پهرين مرحلي ۾ حصو وٺندڙ اميدوارن جا تفصيل جاري ڪري ڇڏيا

0
0

Election Commision

اليڪشن ڪميشن،سنڌ ۾ مڪاني چونڊن جي پهرين مرحلي ۾ حصو وٺندڙ اميدوارن جا تفصيل جاري ڪري ڇڏيا آهن، اليڪشن ڪميشن چيو آهي ته سنڌ جي اٺن ضلعن ۾ پهرين مرحلي لاءِ 10هزار 87 اميدوار چونڊ وڙهندا، جڏهن ته 707 اميدوار بنا مقابلي ڪامياب ٿي چڪا آهن.

اليڪشن ڪميشن جي ترجمان پاران جاري ڪيل بيان ۾ چيو ويو آهي ته سنڌ جي اٺن ضلعن ۾ مڪاني چونڊن جي پهرين مرحلي ۾ 10هزار 87 اميدوار چونڊ وڙهندا.

اليڪشن ڪميشن چيو آهي ته پهرين مرحلي ۾ اٺن ئي ضلعن ۾ پهرين مرحلي لاءِ 15 هزار 784 اميدوار نامزدگي ڪاغذ جمع ڪرايا، جن مان هڪ هزار 311 رد ڪيا ويا.

اليڪشن ڪميشن موجب، 8 ضلعن مان 707 اميدوار بنا مقابلي ڪامياب ٿيا آهن، جن ۾ سکر ۾ 39، خيرپور 53، گهوٽڪي 189، جيڪب آباد 128،ڪشمور 118، قمبر 50، لاڙڪاڻو 38  ۽ شڪارپور ضلعي ۾ 93 اميدوار شامل آهن.

واضح رهي ته سنڌ جي اٺن ضلعن ۾ مڪاني چونڊن جي پهرين مرحلي لاءِ 31 آڪٽوبر تي پولنگ ٿيندي، جنهن لاءِ پولنگ اسٽيشنز تي سامان پهچائڻ وارو سلسلو جاري آهي…………………..

LEAVE YOUR COMMENT

Your email address will not be published. Required fields are marked *