لاڙڪاڻَي پوليس هڪ مهيني اندر 133 روپوش ۽ 83 اشتهاري ڏوهاري گرفتار ڪرڻ جي دعويٰ ڪئي آهي، ايس پي مسعود بنگش چيو آهي ته ڦر ۽ چوري ٿيل 17 موٽر سائيڪل هٿ ڪري متاثرن کي واپس ڪرايون ويون آهن.
ايس پي هيڊڪوارٽر ۾ پريس ڪانفرنس ڪندي مسعود بنگش چيو ته هڪ مهيني اندر 12 پوليس مقابلا ٿيا، جن ۾ 2 ڏوهاري مارجي ويا ۽ 5 کي زخمي حالت ۾ گرفتار ڪيو ويو.
هن چيو ته ڪاررواين دوران 133 روپوش ۽ 83 اشتهاري ڏوهارين کي گرفتار ڪيو ويو، جڏهن ته 12 منشيات فروشن کي گرفتار ڪري 21 ڪلو چرس، ڀنگ ۽ هيروئن هٿ ڪئي وئي.
سندس چوڻ هو ته پوليس مختلف هنڌن تي ڇاپا هڻي ڦر ۽ چوري ٿيل 17 موٽر سائيڪلز هٿ ڪيون، جيڪي متاثرن حوالي ڪيو ويون.
هڪ سوال جي جواب ۾ ايس پي مسعود بنگش چيو ته نئين ديري مان اغوا ٿي ويل ٻارڙَي ساحل ڪوريجَي جي بازيابيءَ لاءِ ڇاپا هنيا پيا وڃن، کيس هڪ هڪ هفتي اندر بازياب ڪرايو ويندو.
